भारत र श्रीलंका बीच तेश्रो वनडे आज

जनकपुरधाम । भारत र श्रीलंका बीच तेश्रो वनडे आइतबार खेलिने भएको छ । पाँच म्याचको श्रृंखलामा भारत २–० को अग्रता कायम गरेको छ । दोश्रो वनडेमा अन्तिम समयमा जित हासिल गरेको भारतले तेश्रो म्याचमा जित निकालेर श्रृंखलामाथि कब्जा जमाउने दाउमा छ ।

एक सय ३१ रनमा सात विकेट गुमाएर दबाबमा आएको भारतलाई पूर्व कप्तान धोनी र भुवनेश्वर कुमारले आठौ विकेटको लागि शतकीय साझेदारी गरेर भारतलाई जिताएका थिए । 

हारको संघारमा पुगेर जित निकाल्न सफल भारतले श्रीलंका विरुद्धको बाँकी खेल जित्ने सम्भावना बढेको छ । 

यता, श्रीलंकाको कप्तान निलम्बनमा परेपछि कपुगेदरालाई कामचलाउ कप्तान बनाएको छ ।